Høgtalar med stilrein utforming. Form follows function, tydelegvis
Lyric-Tor hadde no som aller snarast fått rigga opp dei nye modellane ”Zero”, som har fått EISA-prisen i sin kategori. Og sjeldan har eg sett meir innovative høgtalarar. Her har Avantgarde greidd å presse sin hornteknologi inn i skapeleg store kabinett (dei var rett nok ikkje heilt små, men hadde ein svært tiltalande utsjånad. Dei hadde også greidd å utstyre høgtalarane med innebygde forsterkarar som var i stand til å skape eit imponerande lydtrykk, med ein dynamikk som på mange måtar kunne samanliknast med dei legendariske storebrørne. (Rett nok greidde dei ikkje å levere så sublime detaljar som desse utstyrt med singelendrør, men det kan ein ikkje forvente av ein aktiv høgtalar med klasse D-forsterkarar uansett). Under høgtalarane var det absolutt alle dei inngongar du kan komme til å ynskje deg, og i tillegg skal dei visstnok vere utstyrt med trådlaus mottakar. Dei verka både lettplasserte og utruleg fleksible.
Eg fekk berre lytta litt i butikk, under langt frå ideelle tilhøve, men likevel nok til å fastslå at dette er svært mykje moro for pengane. Så eg må ttilrå at desse greiene vurderast om du har tenkt å ha deg eit stereoanlegg i ca 80k-kroneklasse. Desse må berre testast ut så fort som råd. Denne gongen har EISA kåra ein verdig vinnar!
Tor og den eine høgtalaren (legg merke til inngangane under høgtalaren)
