Jan Erik Vold opnar festivalen fredag kl. 19.00 i Vossasalen, etter dette spelar Arild Andersen, denne gongen saman med Gard Nilssen på trommer, Helge Lien på piano, og Marius Neset på saksofon. Det er 28 år sidan 72-åringen spelte på Vossajazz med eiga gruppe. Kl. 20.45 spelar Sigrid Moldestad i Gamlekinoen, og på Park Hotell spelar ei rekkje grupper. For dette må du kjøpa huskort til kr. 650,-, eller dagskort fredag kr. 840,-. Skadedyr og Anders Røine avsluttar på Gamlekinoen kl. 23.00.
Laurdag har ei rekkje tilskipingar, det viktigaste er vel tingingsverket “Musical Balloon” med saksofonisten Eirik Hegdal i Vossasalen på Park, som er den største orkesterscena Voss har. Etter dette kjem “Hildo” i Gamlekinoen, eit samarbeid mellom songaren Berit Opheim og saksofonisten Tore Brunborg, begge frå Voss, og i verdsklasse. På Park frå kl. 20.00 spelar som vanleg ei mengd grupper, huskort kostar kr. 650,- og dagskort kr. 855,-. Come Shine med Vold og Reiersrud avsluttar i Gamlekinoen kl. 23.00.
Sundag spelar mellom andre Signe Førre Trio, 1982, Django Bates & Bergen Big Band, Youn Sun Nah (Sørkorea), Maria Faust/Kira Skov (i Vangskyrkja), og Ingebjørg Bratland.
Med toget kan du reisa i eiga Vossajazz-vogn frå Bergen. Du finn fullt program og all turvande informasjon på vossajazz.no.
